العلاقات هي الجزء الاهم والاكبر من حياتنا..
طريقتنا بفهم الاخرين والتواصل والانسجام معاهم تؤثرعلى جوده وتفاصيل ايامنا وسعادتنا..
اتيكيت العلاقات: مقياسك ومعرفتك للوقت الصح متى تتكلمين ومتي تسكتين.. وقدرتك على وضع كل شخص بحياتك بمكانه الصح! وتحديد الصوره الي تحبين تطلعين فيها والانطباع الي تبين تعكسينه للناس حولك.
والذكاء الاجتماعي: هو لغة جسدك والادب في التعامل والقدره على رسم الحدود واللباقة في الحديث وفرض الاحترام حتى مع الشخص الغير محترم والرد الحاضر والتصرف بالمواقف المحرجة والقدره على الانسجام والانسحاب من اي موقف بالطريقه الانسب.
محتوى الدوره:
- دائره العلاقات : راح نتكلم عن طرق رسم الحدود ومشاركه المشاعر والامور الشخصيه وبناء علاقات صحية وعميقه وتحديد الانطباع الشخصي الي حابه تعكسينه.
- وقود العلاقات: كل علاقاتنا يكون لها وقود احيانا الوقود يزيد الشغف والحب واحيانا القود يحرق الوصل ويزيد النار، راح تختارين وقود علاقاتك الي يناسبك ويخليك راضيه ومرتاحه وسعيده.
- العلاقة العاطفيه: اتيكيت العلاقه الخاصة ومظهرك العام و مراحل العلاقة والعلامات الصحيه والاشارات الغير صحيه وراح نتكلم عن اعاده تشكيل نوع العلاقه الحاليه وترميم ما افسده الدهر.
- العلاقات الاسريه: الاب والام والزوج والابناء والاخوان والخوات لهم مكانه وتاثير على طريقة تعاملنا مع نفسنا والناس راح نعرف شلون نكون علاقات تشبهنا وما نكون نسخه مكرره عنهم.
- العلاقات الاجتماعيه: الاصدقاء والاهل.. بنتكلم عن زينهم وشينهم وتوجهي بالدوره ماراح يكون قطع العلاقات ابدا! راح يكون شلون تحطينهم في مكانهم الصح.
- علاقات العمل: المهارات والسلوكيات الي تخدمك في بيئه عملك و من هم الاشخاص الي تستثمرين فيهم.
- العلاقات العامه والمعارف: الرسائل الغير مباشره الي ترسلينها بزون ما تتكلمين.
- القوانين الاساسية للعلاقة: كل شي بالحياه له منهج وقوانين اساسيه اذا فهمنا منهج العلاقات بنقاط واضحه وبسيطه وشرحناها وتناقشنا فيها راح نوصل لمستوى عالي من الذكاء الاجتماعي.
- الاخطاء الاساسيه في العلاقات: التصرف في المواقف المحرجة واخطاء لغة الجسد والمعتقدات المحدوده الي تخليك ترضين باقل مما تستحقين وشلون تتحررين منهم.
- وقت للاسئله والاستفسارات.
الهدف من الدوره:
- تحطين كل شخص في مكانه الصح، ،توجهي ماراح يكون قطع العلاقات ابدا! راح يكون مفاهيم ومهارات وسلوكيات توصلك للحدود الصحيه في علاقاتك.
- يكون ردك حاضر وتعرفين تفسرين تصرفات الي حولك وتفهمينهم وتحطينهم في مكانك الصح.
- تكونين دائما الفعل بعلاقاتك وماتكونين رد فعل على غيرك!
- تعزيز ثقتك بنفسك وانك تعطين نفسك الحق تختارين وتحديدين الي يناسبك وما يناسبك بعلاقاتك وتفرضين احترامك. وما تقبلين باقل مما تستحقين.
- تستمتعين بعلاقاتك وتكون علاقاتك صحيه تشحنك وتزيدك حياه! مو علاقاتك تستنزفك!
- تتعلمين دروسك وتفهمين الهدف من خيبات الامل والمواقف الي عشتيها.
- الدوره راح تكون بدايه لنسختك الجديده.
العدد محدود جدا لاني احب الكل يكون مرتاح وانا اكون مرتاحه، المحتوى عميق وراح اشارك تفاصيل كثيره. راح تكون دوره تنور بصيرتك وتعزز ثقتك بنفسك
اذا ما قدرتي تسجلين تواصلي مع المركز عن طريق الواتس اب :
+965 66865757
احبكم..
ساره دشتي